నారాయణఖేడ్ నియోజకవర్గంలోని మానూర్ మండల పరిధిలోని బోరంచ గ్రామంలో గురువారం గ్రామాన్ని పరిశుభ్రంగా, ఆరోగ్యవంతంగా ఉంచే లక్ష్యంతో పలు కాలనీల్లో పెరిగిన పిచ్చిమొక్కలకు మందు పిచికారీ చేశారు. ఈ కార్యక్రమాన్ని గ్రామ సర్పంచ్ పంచగామ బీరప్ప స్వయంగా పర్యవేక్షించారు. వర్షాకాలంలో పిచ్చిమొక్కలు అధికంగా పెరగడం వల్ల దోమలు, పురుగులు పెరిగి వ్యాధులు వ్యాపించే ప్రమాదం ఉన్నందున ముందస్తు చర్యగా ఈ కార్యక్రమాన్ని చేపట్టినట్లు తెలిపారు. గ్రామ ప్రజలు తమ పరిసరాలను పరిశుభ్రంగా ఉంచాలని, గ్రామాభివృద్ధి, పారిశుద్ధ్య కార్యక్రమాలను నిరంతరం కొనసాగిస్తామని పేర్కొన్నారు. ఈ కార్యక్రమంలో గ్రామ ఉపసర్పంచ్,గ్రామ వార్డు సభ్యులు, గ్రామ పెద్దలు, గ్రామస్తులు తదితరులు పాల్గొన్నారు.