నూతనకల్;

నల్లగొండ జిల్లా పర్యటనకు ముఖ్యమంత్రి రేవంత్ రెడ్డి రానున్న నేపథ్యంలో నూతనకల్ మండల బిఆర్ఎస్ పార్టీ మండల అధ్యక్షులు మున్న మల్లయ్య యాదవ్ తో పాటు బిఆర్ఎస్ పార్టీ నాయకులను సోమవారం పోలీసులు ముందస్తు అరెస్టు చేశారు.ఈ సందర్భంగా మల్లయ్య యాదవ్ మాట్లాడుతూ రాష్ట్రంలో ప్రజలు ఎదుర్కొంటున్న సమస్యలను పరిష్కరించకుండా,ఆరు గ్యారెంటీలను అమలు చేయకుండా ప్రజలకు ఎలాంటి లబ్ధి చేకూర్చకుండా ఉండడంతో పాటు అడగడానికి వెళ్తారనే నెపంతో నాయకులను అరెస్టు చేయడాన్ని తీవ్రంగా ఖండిస్తున్నామని అన్నారు. ఎన్నికల సమయంలో ప్రజలకు ఇచ్చిన హామీలను అమలు చేయాలని ప్రభుత్వాన్ని డిమాండ్ చేశారు.అరెస్ట్ అయిన వారిలో నూతనకల్ సర్పంచ్ మహేశ్వరం మల్లికార్జున్,గ్రామ శాఖ అధ్యక్షులు మొగుళ్ళ వెంకన్న, నాయకులు దేశపంగు మధు, ఉప్పల వీరు యాదవ్, నల్లగొండ మురళి,బండి అనిల్, మహేష్, సతీష్, సత్తిరెడ్డి, బజ్జి తదితరులు ఉన్నారు.