మిత్రుడికి అండగా నిలిచిన బాల్య స్నేహితులు

మునగాల మండల పరిధిలోని నర్సింహులగూడెం జడ్పీహెచ్ఎస్ పాఠశాల 1999-2003 బ్యాచ్ విద్యార్థులు తమ స్నేహాన్ని చాటుకున్నారు. తమ బాల్య మిత్రుడు ఎస్కే రఫీ భార్య సైదాబీ మరణించిన విషయం తెలుసుకున్న తోటి స్నేహితులు, ఆదివారం నర్సింహులగూడెం గ్రామంలో ఆ కుటుంబాన్ని పరామర్శించి రూ.50 వేల ఆర్థిక సాయాన్ని అందజేశారు. స్నేహం కన్నా గొప్ప బంధం లేదని, ఆపదలో ఉన్న మిత్రుడికి భవిష్యత్తులోనూ అండగా ఉంటామని వారు భరోసా ఇచ్చారు. వీరి దాతృత్వాన్ని గ్రామస్థులు ఎంతగానో అభినందించారు.