విద్యార్థులను మభ్యపెడుతున్న సంస్థలపై చర్యలు తీసుకోవాలి

యాదాద్రి, : రాష్ట్రంలో యూనివర్సిటీ అనుబంధ గుర్తింపు లేకుండా డిగ్రీ కళాశాలల పేరుతో కొన్ని ప్రైవేట్ సంస్థలు విస్తృతంగా ప్రకటనలు చేయడం ఆందోళనకరమని తెలంగాణ బహుజన విద్యార్థి సంఘం రాష్ట్ర నాయకుడు ఎర్రవెల్లి కృష్ణ అన్నారు.

ఈ మేరకు విలేకరుల సమావేశంలో మాట్లాడుతూ ప్రభుత్వ నిబంధనలను పట్టించుకోకుండా కొత్త డిగ్రీ కళాశాలలు ఏర్పాటు చేస్తున్న సంస్థలు తల్లిదండ్రులు, విద్యార్థులను మభ్యపెడుతున్నాయని ఆరోపించారు.

అనుమతి లేకుండా నడుస్తున్న ఇటువంటి సంస్థలపై తక్షణమే చర్యలు తీసుకోవాలని ప్రభుత్వాన్ని డిమాండ్ చేశారు. విద్యార్థుల భవిష్యత్తుతో ఆటలాడుతున్న కళాశాలలపై కఠిన చర్యలు తీసుకోవాలని కోరారు.

విద్యార్థులు, తల్లిదండ్రులు కూడా జాగ్రత్తగా ఉండి గుర్తింపు ఉన్న కళాశాలలనే ఎంపిక చేసుకోవాలని సూచించారు.