యాదాద్రి భువనగిరి జిల్లా నాగిరెడ్డిపల్లి గ్రామంలో అంగన్‌వాడీ కేంద్రం నూతన భవనం స్లాబ్ పనుల ప్రారంభోత్సవం సోమవారం నిర్వహించారు. గ్రామ సర్పంచ్ శ్రీ రాఘవేందర్ రెడ్డి ఆధ్వర్యంలో జరిగిన కార్యక్రమంలో గ్రామ కార్యదర్శి రాహుల్ పాల్గొని పనులను ప్రారంభించారు.

ఈ సందర్భంగా గ్రామంలో చిన్నారులకు మెరుగైన వసతులు కల్పించేందుకు అంగన్‌వాడీ భవనం నిర్మాణం చేపట్టడం అభినందనీయమని పలువురు పేర్కొన్నారు. నిర్మాణ పనులను నాణ్యతా ప్రమాణాలతో, నిర్ణీత గడువులో పూర్తి చేయాలని సూచించారు.

ఈ కార్యక్రమంలో ఉపసర్పంచ్ క్యాసాని శేఖర్, వార్డు సభ్యులు దేవేందర్ గౌడ్, సురేష్ రెడ్డి, గాదె శేఖర్, ఎడ్ల అనిల్‌కుమార్, పిన్నింటి మధు మోహన్ రెడ్డి, జిట్టా ప్రశాంత్ రెడ్డి, కొత్త మల్లికార్జున్ తదితరులు పాల్గొన్నారు.