ఆదోని, స్థానికం ప్రధాన ప్రతినిధి

ఆదోని పట్టణంలోని ఇంజనీర్ల కాలనీలో జరుగుతున్న ఏకీకృత కుటుంబ సర్వే నిర్వహణ తీరును జిల్లా కలెక్టర్ డాక్టర్ ఏ. సిరి, ఆదోని శాసనసభ్యులు పార్థసారథి బుధవారం పరిశీలించారు. ఈ సందర్భంగా వారు శ్రీమతి సుభద్రమ్మ నివాసానికి వెళ్లి సర్వే ప్రక్రియను ప్రత్యక్షంగా పరిశీలించారు.ఏకీకృత కుటుంబ సర్వేను వేగవంతంగా పూర్తి చేయాలని జిల్లా కలెక్టర్ అధికారులను ఆదేశించారు. సర్వేలో ఎలాంటి లోపాలు తలెత్తకుండా జాగ్రత్తలు తీసుకోవాలని, ప్రతి కుటుంబ వివరాలు ఖచ్చితంగా నమోదు చేయాలని సూచించారు.ఈ పరిశీలనలో ఆదోని ఇంచార్జి ఉప కలెక్టర్ అజయ్ కుమార్, తహసీల్దార్ శేషఫణి, మున్సిపల్ కమిషనర్ కృష్ణతో పాటు సంబంధిత శాఖల అధికారులు పాల్గొన్నారు.