పెండింగ్‌లో ఉన్న 2బీహెచ్‌కే (డబుల్ బెడ్‌రూమ్) ఇండ్ల నిర్మాణ పనులను త్వరగా పూర్తి చేసి లబ్ధిదారులకు అందజేయాలని జిల్లా కలెక్టర్ అనురాగ్ జయంతి సూచించారు.

మంగళవారం భువనగిరి మండలంలోని సింగన్నగూడెం గ్రామంలో నిర్మాణంలో ఉన్న డబుల్ బెడ్‌రూమ్ ఇండ్లను స్థానిక సంస్థల అదనపు కలెక్టర్ భాస్కర్ రావు తో కలిసి పరిశీలించారు. ఈ సందర్భంగా ఇండ్ల నిర్మాణ పురోగతిపై సంబంధిత అధికారులను అడిగి తెలుసుకున్నారు.

ఇంకా ఏ పనులు పెండింగ్‌లో ఉన్నాయో, ప్రస్తుతం జరుగుతున్న పనులు ఏ దశలో ఉన్నాయో, మిగిలిన పనులు ఎప్పటికి పూర్తి చేస్తారో వివరాలు తెలుసుకున్నారు. ఆలస్యం అవుతున్న పనులను వేగవంతం చేసి ప్రతి ఇంటికి సంబంధించిన పనులను త్వరగా పూర్తి చేసి ఉపయోగంలోకి తీసుకురావాలని అధికారులకు సూచించారు.

ఈ కార్యక్రమంలో హౌసింగ్ ఏడి శ్రీరాములు, సంబంధిత శాఖల అధికారులు పాల్గొన్నారు.