చౌటుప్పల్ పురపాలక సంఘ పరిధిలోని 17వ వార్డులో నూతన వాటర్ పైప్‌లైన్ నిర్మాణ పనులను మున్సిపల్ చైర్మన్ మోగుదాల పావని రమేష్ గౌడ్ కొబ్బరికాయ కొట్టి, భూమిపూజ చేసి ప్రారంభించారు.​ఈ సందర్భంగా చైర్మన్ మాట్లాడుతూ... ఎమ్మెల్యే కోమటిరెడ్డి రాజగోపాల్ రెడ్డి సహకారంతో మున్సిపాలిటీని దశలవారీగా అభివృద్ధి చేస్తామని తెలిపారు. వార్డులో ఏవైనా సమస్యలు ఉంటే కౌన్సిలర్ చింతల ఉమామహేశ్వర సాయిలు ద్వారా తమ దృష్టికి తీసుకువస్తే వెంటనే పరిష్కరిస్తామన్నారు. త్వరలోనే అమృత్ స్కీమ్ ద్వారా ఇంటింటికీ నల్లా కనెక్షన్లు ఇచ్చి నీటిని సరఫరా చేస్తామని హామీ ఇచ్చారు.ఈ కార్యక్రమంలో పురపాలక సంఘం వైస్ చైర్మన్ గోశిక వినయ్, పురపాలక సంఘం కాంగ్రెస్ పార్టీ అధ్యక్షులు శ్రీనివాస్ రెడ్డి, కో ఆప్షన్ నెంబర్ పస్తం గంగరాములు, పీసీసీ జవహర్ బాల్ మంచ్ కోఆర్డినేటర్ పెద్దగోని రమేష్ గౌడ్, మున్సిపల్ కాంగ్రెస్ పార్టీ ఉపాధ్యక్షులు మాదాని గోపాల్, మాదాని ఎల్లప్ప, మున్సిపల్ వర్క్ ఇన్స్పెక్టర్ సునీల్, తుమ్మల అరుణ, గుండాల సునీత, ముత్యాల రాములమ్మ, మున్సిపల్ సిబ్బంది తదితరులు పాల్గొన్నారు.