భిలాయ్/హైదరాబాద్: ఆర్థిక ఇబ్బందులతో సతమతమవుతున్న ఓ ప్రతిభావంతుడైన నిరుపేద విద్యార్థికి 'నాతి లక్ష్మి నర్సింహా (NLN) ఫౌండేషన్' మరియు 'బెస్ట్ రన్నర్స్ ఫౌండేషన్'లు అండగా నిలిచాయి. ఉన్నత విద్యను అభ్యసిస్తున్న ఆ విద్యార్థి భవిష్యత్తుకు ఆర్థిక సహాయం అందించి తమ దాతృత్వాన్ని చాటుకున్నాయి.

ఐఐటీ (IIT) భిలాయ్‌లో చదువుతున్న రాపర్తి అభిలాష్ అనే విద్యార్థి కుటుంబ ఆర్థిక పరిస్థితుల దృష్ట్యా చదువును కొనసాగించడంలో ఇబ్బందులు పడుతున్న విషయం తెలుసుకున్న ఈ ఫౌండేషన్లు తక్షణమే స్పందించాయి. ఫౌండేషన్ వ్యవస్థాపకులు డాక్టర్ నాతి శ్రీనివాస్ గారి ప్రత్యేక చొరవతో విద్యార్థి ఉన్నత విద్య కోసం రూ. 86,000/- ఆర్థిక సహాయాన్ని ప్రకటించారు.

ఈ సహాయాన్ని KGKS రాష్ట్ర అధ్యక్షుడు ఎం.వి. రమణ, నాతి గణేష్ మరియు రాజేష్ KGKS ల చేతుల మీదుగా విద్యార్థి తల్లిదండ్రులకు ప్రత్యక్షంగా అందజేశారు.

ఈ సందర్భంగా ఫౌండేషన్ ప్రతినిధులు మాట్లాడుతూ — "విద్యతోనే సామాజికాభివృద్ధి సాధ్యమని మేము దృఢంగా నమ్ముతున్నాము. ప్రతిభ ఉండి ఆర్థికంగా వెనుకబడిన విద్యార్థులను ప్రోత్సహించడం, వారి చదువుకు ఆసరాగా నిలవడం మా బాధ్యతగా భావిస్తున్నాము. సదా విద్యార్థుల సేవలో మా ఫౌండేషన్ ముందుంటుంది" అని తెలిపారు.

సామాజిక బాధ్యతతో విద్యార్థి చదువుకు ఆసరాగా నిలిచిన నాతి లక్ష్మి నర్సింహ ఫౌండేషన్ మరియు బెస్ట్ రన్నర్స్ ఫౌండేషన్ సేవా దృక్పథాన్ని పలువురు కొనియాడారు.

సంప్రదించాల్సిన వివరాలు: నాతి లక్ష్మి నర్సింహ ఫౌండేషన్

గణేష్ నాతి: 9988801363