నారాయణఖేడ్ మున్సిపల్ పరిధిలోని ఎస్‌బిహెచ్ బ్యాంక్ సమీపంలో రితీష్ అకాడమీ రెండవ బ్రాంచ్‌ను నారాయణఖేడ్ మున్సిపల్ చైర్మన్ నాగేష్ కుమార్ షేట్కార్ రిబ్బన్ కట్ చేసి ప్రారంభించారు.నారాయణఖేడ్ మండలంలోని చప్తా కె గ్రామానికి చెందిన బొంపల్లె ప్రకాష్ ఆధ్వర్యంలో ఏర్పాటు చేసిన ఈ అకాడమీ ద్వారా నిరుద్యోగ యువతకు నాణ్యమైన శిక్షణ అందించి వారికి ఉద్యోగ అవకాశాలు కల్పించడమే లక్ష్యంగా ఉందని నిర్వాహకులు తెలిపారు. ఈ సందర్భంగా నాగేష్ కుమార్ షేట్కార్ మాట్లాడుతూ, ఇలాంటి కోచింగ్ సెంటర్లు గ్రామీణ యువతకు ఎంతో ఉపయోగకరమని,యువత ఈ అవకాశాన్ని సద్వినియోగం చేసుకుని తమ భవిష్యత్తును నిర్మించుకోవాలని సూచించారు.ఈ కార్యక్రమంలో సిద్ధంగిర్గ మాజీ సర్పంచ్ అనిల్ పటేల్, న్యాయవాది ద్యానియాల్, వైజనాథ్ పటేల్, చప్తా కె ఉపసర్పంచ్ బస్వారాజ్, వార్డ్ సభ్యురాలు నిర్మల పద్మాకర్, అభిషేక్, నందు, లక్ష్మి సాయి గొండ తదితరులు పాల్గొని అకాడమీ నిర్వాహకులకు శుభాకాంక్షలు తెలిపారు.