రామన్నపేట మండలంలోని వెల్లంకి గ్రామంలో భారత రాష్ట్ర సమితి (బీఆర్ఎస్) ఆవిర్భావ దినోత్సవ వేడుకలు ఘనంగా నిర్వహించారు. గ్రామంలో పార్టీ శ్రేణులు, స్థానిక ప్రజలు ఉత్సాహంగా పాల్గొని కార్యక్రమాన్ని విజయవంతం చేశారు.

ఈ సందర్భంగా ముఖ్య అతిథిగా హాజరైన గ్రామ సర్పంచ్ ఈడెం రాధా శ్రీనివాస్ తెలంగాణ తల్లి విగ్రహానికి పూలమాల వేసి నివాళులర్పించారు. అనంతరం గ్రామ శాఖ అధ్యక్షుడు పున్న వెంకటేశం పార్టీ జెండాను ఆవిష్కరించారు.

ఈ సందర్భంగా నాయకులు మాట్లాడుతూ పార్టీ ఆవిర్భావ దినోత్సవ ప్రాముఖ్యతను వివరించారు. తెలంగాణ రాష్ట్ర సాధనలో పార్టీ పోషించిన కీలక పాత్రను స్మరించుకున్నారు. గ్రామ అభివృద్ధి, ప్రజా సంక్షేమం దిశగా పార్టీ నిరంతరం కృషి చేస్తుందని పేర్కొన్నారు.

ఈ కార్యక్రమంలో బీఆర్ఎస్ పార్టీ కార్యదర్శి పిట్ట మహేందర్ రెడ్డి, ఎడ్ల సుదర్శన్ రెడ్డి, పాశం సతీష్ రెడ్డి, ఠాకూర్ రమేష్ సింగ్, మిర్యాల జగన్, కొంగరి నిరంజన్, దేశబోయిన శ్రీధర్, చిందం ఉమాకాంతం, దొండ మల్లారెడ్డి తదితరులు పాల్గొన్నారు.