వినూత్న వైద్యంతో కుక్కపిల్లకి ప్రాణం పోసిన కోదాడ ప్రాంతీయ పశువైద్యశాల

కోదాడ మండలం దొరకుంట గ్రామములో తన ఇంటిముందు ఉన్న నెలరోజుల కుక్కపిల్ల తలపైనుండి బైక్ పోవడం తో మెడ ఎముకలు విరిగి నోటి నుండి రక్తం కారి ఒంట్లో రక్తం లేక ఒళ్లు బిగదీసుకొని పోయింది . అచేతన స్థితిలో పడిపోయిన కుక్కపిల్లని ఆ ఇంటి యజమాని నిన్న హుటాహుటిన కోదాడ ప్రాంతీయ పశువైద్యశాలకి తీసుకు వచ్చారు. కుక్కను పరీక్షించిన అసిస్టెంట్ డైరెక్టర్ డా పి పెంటయ్య ఇతర కుక్కల రక్తం ఎక్కించి, గ్లూకోజ్ లు ఇతర అత్యవసర మందులతో వైద్యం చేసి కుక్కపిల్ల తిరిగి స్పృహలో కొచ్చేలా చేశారు. కానీ మెడ ఎముకలు విరగడం వెన్నెముక నరాలు సైతం కొంత దెబ్బతినడం తో కుక్కపిల్ల రాత్రి నుండి నిలబడలేక, పడుకోబెడితే నొప్పికి తట్టుకోలేక మెడలు వంకరపోతూ అంత్యంత నరకయాతన అనుభవిస్తుండడంతో తిరిగి ఈరోజు కోదాడ దవాఖానకి తీసుకు వచ్చారు.

కుక్క పిల్ల దీనావస్థను పరిశీలించిన అసిస్టెంట్ డైరెక్టర్ నిపుణుల సలహాతో మనుషుల్లో వాడే “సర్వైకల్ స్పైకా కాస్ట్ “ పద్ధతి ఉపయోగించి మాడు నుండి నడుం వరకు బాడీ అంతా సిమెంట్ కట్టు వేసి కాళ్ళు కదిలేలా వసతి ఏర్పాటు చేశారు.

అంతరం సిమెంట్ కట్టు బరువు మోస్తూ కుక్కపిల్ల పడిపోకుండా నిలబడేలా వినూత్నంగా ఆలోచించి వ్యాక్సిన్ నిల్వచేసే ధర్మకాల్ పెట్టే పైమూతకి నాలుగు కాళ్ళు కిందకు దిగేలా రంధ్రాలు చేసి మూతపై కుక్కపిల్లను నిల్చోబెట్టి దాని బాదకు విముక్తి కలిగించారు.

ఏ అసౌకర్యం లేకున్నా పరికరాలు లేకున్నా వాడి పడేసిన ధర్మకాల్ పెట్టెతో కుక్కను నిల్చోపెట్టిన అసిస్టెంట్ డైరెక్టర్ సమయస్ఫూర్తికి జంతు యజమానులు అబ్బురపడ్డారు

చికిత్సలో సిబ్బంది చంద్రకళ కర్ణ పాల్గొన్నారు.