పోస్టర్‌ను ఆవిష్కరించిన చౌటుప్పల్ డీఎస్పీ మధుసూదన్ రెడ్డి, సీఐ మన్మధ కుమార్

50కి పైగా కంపెనీలు.. 3,000 పైచిలుకు ఉద్యోగావకాశాలు

​ఆసరా ఫౌండేషన్ ఆధ్వర్యంలో నిర్వహణ

మునుగోడు నియోజకవర్గ పరిధిలోని నిరుద్యోగ యువతకు ఉపాధి అవకాశాలు కల్పించడమే లక్ష్యంగా ఈ నెల 27న తంగడపల్లిలో మెగా ఉద్యోగ మేళా నిర్వహించనున్నట్లు ఆసరా ఫౌండేషన్ నిర్వాహకులు తెలిపారు. ఆసరా ఫౌండేషన్ చైర్మన్ బొల్ల శివశంకర్ ఆధ్వర్యంలో చేపట్టనున్న ఈ ఉద్యోగ మేళాకు సంబంధించిన గోడపత్రిక (పోస్టర్)ను చౌటుప్పల్ డీఎస్పీ మధుసూదన్ రెడ్డి, సీఐ మన్మధ కుమార్ సంయుక్తంగా ఆవిష్కరించారు. ​ఈ సందర్భంగా నిర్వాహకులు మాట్లాడుతూ.. సెప్టెంబరు 27న ఉదయం 10 గంటల నుంచి సాయంత్రం 5 గంటల వరకు తంగడపల్లి జిల్లా పరిషత్ ఉన్నత పాఠశాల ప్రాంగణంలో ఈ మేళా జరుగుతుందన్నారు. ఇందులో దాదాపు 50కి పైగా ప్రముఖ కంపెనీలు పాల్గొని, 3,000కి పైగా ఉద్యోగ అవకాశాలను కల్పించనున్నాయని వెల్లడించారు. ​ఐటీ (సాఫ్ట్‌వేర్), బీపీఓ ​తయారీ రంగం (మ్యానుఫ్యాక్చరింగ్)

​ఆరోగ్య సంరక్షణ (హెల్త్‌కేర్)​బ్యాంకింగ్, రిటైల్–అమ్మకాలు, మార్కెటింగ్ ​మునుగోడు నియోజకవర్గంతో పాటు పరిసర ప్రాంతాలకు చెందిన నిరుద్యోగ యువతీయువకులు తమ విద్యార్హతల ఆధారంగా ఈ అవకాశాన్ని సద్వినియోగం చేసుకోవాలని కోరారు. ఇతర వివరాలకు 9030013084 ఫోన్ నంబరులో సంప్రదించవచ్చని తెలిపారు.​ఈ కార్యక్రమంలో ఫౌండేషన్ ప్రతినిధులు దోర్నాల గజేందర్, సంగీశెట్టి ధనుంజయ్, సిలివేరు విజయ్, సింగం కృష్ణ, చామల చింటూ, సిలివేరు ప్రభాస్, గంజి స్వామి తదితరులు పాల్గొన్నారు.