రైలు మార్గం సాధన కోసం ఆందోళన.. పోలీసులు అదుపులోకి తీసుకున్న ఉద్యమకారులు

సూర్యాపేట మీదుగా రైల్వే మార్గం ఏర్పాటు చేయాలనే డిమాండ్‌తో చేపట్టిన బుల్లెట్‌ ట్రైన్‌ సాధన ఉద్యమంలో ఉద్రిక్తత చోటుచేసుకుంది. రైల్వే మార్గం సాధన కోసం ఆందోళన చేపట్టిన పలువురు ఉద్యమకారులను పోలీసులు అరెస్ట్‌ చేసి అదుపులోకి తీసుకున్నారు. సూర్యాపేట మీదుగా రైల్వే మార్గం ఏర్పాటు చేయాలని, జిల్లా కేంద్రానికి రైలు సౌకర్యం కల్పించాలని ఉద్యమకారులు కొంతకాలంగా వివిధ రూపాల్లో నిరసనలు నిర్వహిస్తున్నారు.

ఈ క్రమంలో శుక్రవారం నిర్వహించిన ఆందోళన కార్యక్రమంలో ఉద్యమకారులు పెద్ద సంఖ్యలో పాల్గొని తమ డిమాండ్లను నినదించారు. రైల్వే మార్గం సాధన కోసం శాంతియుతంగా చేపడుతున్న ఉద్యమాన్ని ప్రభుత్వం, రైల్వే శాఖ పరిగణనలోకి తీసుకోవాలని వారు కోరారు. ఆందోళన నేపథ్యంలో పోలీసులు అక్కడికి చేరుకుని పరిస్థితిని అదుపులోకి తీసుకున్నారు. అనంతరం కొంతమంది ఉద్యమకారులను అరెస్ట్‌ చేసి పోలీస్‌స్టేషన్‌కు తరలించారు. సూర్యాపేటకు రైల్వే మార్గం కోసం ఉద్యమాన్ని మరింత విస్తృతం చేస్తామని ఉద్యమకారులు స్పష్టం చేశారు. ప్రజల చిరకాల డిమాండ్‌ను కేంద్ర ప్రభుత్వం పరిశీలించి సూర్యాపేట మీదుగా రైల్వే మార్గం ఏర్పాటుకు చర్యలు తీసుకోవాలని కోరారు.