తుంగతుర్తి మండలం గొట్టపర్తి గ్రామంలో బాల గణేష్ యూత్ ఆధ్వర్యంలో ఏర్పాటు చేసిన విజయ గణపతి మండపం వద్ద ఘనంగా అన్నదాన మహోత్సవ దాత షేక్ సమద్ పాష కుటుంబ సభ్యులు ఆధ్వర్యంలో కార్యక్రమాన్ని నిర్వహించారు. ముందుగా స్వామివారిని దర్శించుకుని ప్రత్యేక పూజల్లో పాల్గొన్న భక్తులు తీర్థప్రసాదాలు స్వీకరించారు. అనంతరం భక్తులందరికీ అన్నదాన కార్యక్రమం ద్వారా భోజనాన్ని అందించారు. ఎలాంటి ఇబ్బందులు కలగకుండా నిర్వాహకులు తగిన ఏర్పాట్లు చేయడంతో భక్తులు ప్రశాంతంగా అన్నప్రసాదాన్ని స్వీకరించారు. ఈ సందర్భంగా దాత సమద్ పాషా మాట్లాడుతూ... గణనాథుని ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు. భక్తి, సేవాభావంతో నిర్వహించిన అన్నదాన కార్యక్రమానికి ప్రజలు పెద్ద సంఖ్యలో హాజరై విజయవంతం చేయడం ఎంతో సంతోషంగా ఉందన్నారు. ఈ కార్యక్రమంలో బాల గణేష్ యూత్ సభ్యులు, భక్తులు, పెద్ద సంఖ్యలో గ్రామస్తులు పాల్గొన్నారు.