సమాజంలో మహిళలు, పిల్లల హక్కుల పరిరక్షణకు, గృహహింస నివారణకు అందరూ కలిసికట్టుగా పోరాడాలని చౌటుప్పల్ మున్సిపల్ చైర్‌పర్సన్ మోగుదాల పావని రమేష్ గౌడ్ పిలుపునిచ్చారు. 'సార్ప్' (సొసైటీ ఫర్ యాక్షన్ విత్ రూరల్ పూర్ ) స్వచ్ఛంద సంస్థ ఆధ్వర్యంలో గృహహింస నివారణ, బాలకార్మిక వ్యవస్థ నిర్మూలన, లింగ సమానత్వంపై నిర్వహించిన ప్రత్యేక అవగాహన కార్యక్రమానికి ఆమె, పోచంపల్లి మున్సిపల్ వైస్ చైర్మన్ కొయ్యాడ రజినితో కలిసి ముఖ్య అతిథులుగా హాజరయ్యారు. ​ఈ సందర్భంగా సార్ప్ సంస్థ అధ్యక్షురాలు డాక్టర్ ప్రమీల మాట్లాడుతూ.. బాలకార్మిక వ్యవస్థను అట్టడుగు స్థాయి నుంచి నిర్మూలించాల్సిన అవసరం ఉందన్నారు. మహిళలు, చిన్నారులపై జరుగుతున్న హింసను అడ్డుకోవడంలోనూ, పోక్సో చట్టాలపై అవగాహన కల్పించడంలోనూ స్థానిక ప్రజాప్రతినిధుల భాగస్వామ్యం ఎంతో కీలకమని వివరించారు.

​ఈ కార్యక్రమంలో చౌటుప్పల్ మున్సిపల్ కౌన్సిలర్లు చింతల ఉమామహేశ్వరి సాయిలు, పల్లె లావణ్య సురేందర్ రెడ్డి, కో-ఆప్షన్ సభ్యురాలు షేక్ నబీబి, పోచంపల్లి మున్సిపల్ కౌన్సిలర్లు కర్నాటి వరలక్ష్మి, రాపోలు కావ్య, సూర్యపల్లి రాధికలతో పాటు స్వచ్ఛంద సంస్థ రిసోర్స్ పర్సన్ వినీల, సంస్థ ప్రతినిధులు, సభ్యులు పాల్గొన్నారు.