ఉపాధి ఆధారిత నూతన కోర్సులకు ప్రాధాన్యం.

డాక్టర్ బీఆర్ అంబేద్కర్ ఓపెన్ యూనివర్సిటీ (బీఆర్ఎఓయూ)లో 2026–27 విద్యా సంవత్సరానికి వివిధ కోర్సుల్లో ప్రవేశాలు కొనసాగుతున్నాయని ఎడ్యుకేషన్ ఎక్స్‌టెన్షన్ సెంటర్ నోడల్ అధికారి డాక్టర్ బి. ధర్మ నాయక్ తెలిపారు. శుక్రవారం రామన్నపేటలోని డిగ్రీ కళాశాల అధ్యయన కేంద్రంలో కౌన్సిలర్ల సమావేశం నిర్వహించారు.

ఈ సందర్భంగా ధర్మ నాయక్ మాట్లాడుతూ బీఏ, బీకాం, బీఎస్సీ, పీజీ, డిప్లొమా, సర్టిఫికెట్ కోర్సుల్లో ప్రవేశాలకు సెప్టెంబర్ 30 చివరి తేదీ అని తెలిపారు. ఆదివాసీలు, ట్రాన్స్‌జెండర్లు, దివ్యాంగులకు ఉచితంగా ఉన్నత విద్య అభ్యసించే అవకాశం ఉందన్నారు. అర్హత, ఆసక్తి ఉన్న విద్యార్థులు ఈ అవకాశాన్ని సద్వినియోగం చేసుకోవాలని సూచించారు.

మహిళలకు వ్యాపారాభివృద్ధి శిక్షణ

మహిళా విద్యార్థులను పారిశ్రామికవేత్తలుగా తీర్చిదిద్దేందుకు బీఆర్ఎఓయూ–వీహబ్ ఆధ్వర్యంలో వ్యాపారాభివృద్ధి, నైపుణ్య శిక్షణ, మార్గదర్శకత్వం అందించనున్నట్లు తెలిపారు. ఉద్యోగ, ఉపాధి అవకాశాలకు అనుగుణంగా నూతన కోర్సులకు ప్రాధాన్యం ఇస్తున్నామని చెప్పారు.విద్యార్థులకు మెరుగైన ఉపాధి అవకాశాలు కల్పించే లక్ష్యంతో టీసీఎస్, ఐకాన్, రామానంద తీర్థ ఇన్స్టిట్యూట్, రాశి, వి-హబ్ తదితర సంస్థలతో ఒప్పందాలు కుదుర్చుకున్నట్లు వెల్లడించారు. ఈ విద్యా సంవత్సరం నుంచి కళాశాలలోనే సైన్స్ ప్రాక్టికల్ తరగతులు నిర్వహించనున్నట్లు తెలిపారు.