చౌటుప్పల్ మున్సిపాలిటీ పరిధిలోని రెండో వార్డు తాళ్లసింగారం గ్రామంలో విద్యుత్ సమస్యల పరిష్కారానికి కృషి చేస్తున్నట్లు మున్సిపల్ చైర్‌పర్సన్ మొగుదాల పావని రమేష్ గౌడ్ తెలిపారు. బుధవారం గ్రామంలో నూతనంగా ఏర్పాటు చేసిన 100 KV విద్యుత్ ట్రాన్స్‌ఫార్మర్‌ను ఆమె ప్రారంభించారు.​మునుగోడు శాసనసభ్యులు కోమటిరెడ్డి రాజగోపాల్ రెడ్డి సహకారంతో ఈ ట్రాన్స్‌ఫార్మర్‌ను ఏర్పాటు చేసినట్లు ఆమె తెలిపారు. దీనివల్ల గ్రామంలో విద్యుత్ సరఫరా మెరుగుపడుతుందని, లో-ఓల్టేజీ సమస్య తప్పుతుందని వివరించారు. ప్రజల అవసరాలను గుర్తించి ఎప్పటికప్పుడు అభివృద్ధి పనులు చేపడుతున్నామని ఈ సందర్భంగా ఆమె తెలిపారు.​ఈ కార్యక్రమంలో చౌటుప్పల్ మున్సిపాలిటీ కాంగ్రెస్ అధ్యక్షులు సుర్వి నర్సింహా గౌడ్, విద్యుత్ శాఖ ఏఈ సతీష్ కుమార్, కౌన్సిలర్ కొసనం రాకేష్ రెడ్డి, నాయకులు భాస్కర్ రెడ్డి, దొనకొండ కృష్ణ, శ్రీశైలం, గణేష్, గ్రామ సీనియర్ నాయకులు, కార్యకర్తలు పాల్గొన్నారు.