టీజేయూ మోటాకొండూరు మండల అధ్యక్షులు గట్టికొప్పుల శ్రీనివాస్

మోటకొండూరు:స్థానికం ప్రతినిధి

మోటకొండూరు మండల కేంద్రంలో సంక్రాంతి పండుగ సందర్భంగా తెలంగాణ జర్నలిస్ట్ యూనియన్ మోటకొండూరు మండల అధ్యక్షులు గట్టికొప్పుల శ్రీనివాస్ మోటకొండూరు పట్టణంతో పాటు మండలంలోని గ్రామీణ ప్రాంత ప్రజలందరికీ హృదయపూర్వక సంక్రాంతి శుభాకాంక్షలు తెలిపారు.ఈ సందర్భంగా ఆయన మాట్లాడుతూ...“మంగళకరమైన ఈ సంక్రాంతి పర్వదిన శుభవేళ,నా మిత్రులకు, శ్రేయోభిలాషులకు, పాత్రికేయ సోదరులకు, అలాగే మీ కుటుంబ సభ్యులందరికీ హృదయపూర్వక శుభాకాంక్షలు తెలియజేస్తున్నాను. సూర్యుని గమనంలో వచ్చే మార్పు ప్రకృతికి కొత్త వెలుగులను ఎలా ప్రసాదిస్తుందో,అలాగే ఈ సంక్రాంతి పండుగ మీ జీవితాల్లో సరికొత్త ఆశయాలను,ఉన్నతమైన లక్ష్యాలను,విజయ పథాలను ప్రసాదించాలని మనస్ఫూర్తిగా ఆకాంక్షిస్తున్నాను.ఈ పండుగ మన దేశవ్యాప్తంగా వివిధ పేర్లతో,విభిన్న సంప్రదాయాలతో జరుపుకున్నప్పటికీ,మనందరినీ ఒక్కటిగా కట్టిపడేసే ఆత్మీయత,మనం పరస్పరం పంచుకునే ఆనందం మాత్రం ఒక్కటే.మన భారతీయ సంస్కృతిలోని గొప్పతనాన్ని,ఐక్యతా భావాన్ని,సోదరభావాన్ని ఈ సంక్రాంతి సంబరాలు గర్వంగా చాటిచెబుతాయి.

ముఖ్యంగా సంక్రాంతి అన్నదాతల పండుగ. నిరంతరం శ్రమిస్తూ దేశానికి అన్నం పెట్టే మన రైతు సోదరులకు కృతజ్ఞతలు తెలియజేసే పవిత్ర సందర్భమిది. వారి కష్టానికి గౌరవం ఇస్తూ,వారి శ్రమలో భాగస్వాములమై,సమాజాన్ని సుభిక్షంగా,సుసంపన్నంగా తీర్చిదిద్దుకోవడం మనందరి బాధ్యత.ఈ మకర సంక్రాంతి మీ జీవితాల్లో కొత్త ఆత్మవిశ్వాసాన్ని నింపాలని,మీ భవిష్యత్తు ఎల్లప్పుడూ సానుకూలతతో,ఆశలతో,విజయాలతో వెలుగొందాలని కోరుకుంటున్నాను.

మీరు నిండు నూరేళ్లూ ఆయురారోగ్యాలతో,ఐశ్వర్యంతో తులతూగాలని,మీ ప్రతి ప్రయత్నం విజయవంతమై సమాజంలో శాంతి,సామరస్యం,సోదరభావం మరింతగా వెల్లివిరియాలని మనసారా ఆకాంక్షిస్తున్నాను,అని ఆయన తెలిపారు.