భువనగిరి, అధిక జ్యేష్ఠ మాసంలో శనివారం షష్టి తిథి సందర్భంగా సుబ్రహ్మణ్య స్వామి ఆలయంలో ప్రత్యేక పూజా కార్యక్రమాలు నిర్వహించనున్నట్లు ఆలయ నిర్వాహకులు తెలిపారు.

ఉదయం స్వామివారికి పంచామృతాభిషేకం, తులసీ అర్చన, పుష్పార్చన, కుంకుమార్చన నిర్వహించనున్నట్లు వెల్లడించారు. ఈ పుణ్యదినాన గ్రామ పెద్దలు, మహిళలు, యువత, భక్తులు అధిక సంఖ్యలో పాల్గొని స్వామివారిని దర్శించుకుని తీర్థప్రసాదాలు స్వీకరించాలని కోరారు.

అనంతరం అన్నప్రసాద వితరణ కార్యక్రమం నిర్వహించనున్నట్లు తెలిపారు. ఈ అన్నదాన కార్యక్రమానికి భువనగిరి గ్రామానికి చెందిన మహేశుని నరేష్ కుటుంబ సభ్యులు అన్నదాతలుగా వ్యవహరిస్తున్నారు. నరేష్ తన 50వ జన్మదినాన్ని పురస్కరించుకుని కుటుంబ సభ్యులతో కలిసి అన్నదాన సేవ చేపట్టనున్నట్లు పేర్కొన్నారు.

ఈ సందర్భంగా మహేశుని నరేష్, వేదవతి, కార్తీక్‌, సాత్విక, తులసమ్మలకు స్వామివారి సంపూర్ణ ఆశీస్సులు లభించాలని భక్తులు ఆకాంక్షించారు.