యాదాద్రి భువనగిరి జిల్లా వలిగొండ పోలీస్‌స్టేషన్‌ను జిల్లా ఎస్పీ అక్షణష్ యాదవ్ శుక్రవారం వార్షిక తనిఖీలో భాగంగా పరిశీలించారు. స్టేషన్‌లో విధులు నిర్వహిస్తున్న సిబ్బంది యూనిఫాం, వ్యక్తిగత సామగ్రి, రికార్డుల నిర్వహణ, స్టేషన్‌ పరిసరాలను పరిశీలించారు.

అనంతరం జనరల్‌ డైరీ, హెల్ప్‌డెస్క్‌, కోర్టు రికార్డు గది, ఎవిడెన్స్‌ ప్రాపర్టీల నిర్వహణను తనిఖీ చేసి పలు సూచనలు చేశారు. పెండింగ్‌, నమోదైన పిటిషన్ల వివరాలను ఎప్పటికప్పుడు రికార్డుల్లో నమోదు చేయాలని ఆదేశించారు. సీసీటీఎన్‌ఎస్‌, సీఐఎస్‌ఆర్‌ పోర్టళ్ల పనితీరును సమీక్షించి, సైబర్‌ నేరాలకు సంబంధించిన పాత కేసుల వివరాలను పరిశీలించారు.

లాక్‌అప్‌ గది, సీసీటీవీ కెమెరాల పనితీరును తనిఖీ చేసిన ఎస్పీ, రౌడీషీటర్ల రికార్డులను పరిశీలించి వారి ప్రవర్తనపై ఆరా తీశారు. పోలీస్‌స్టేషన్‌ ఆవరణలో ఉన్న స్వాధీనం చేసుకున్న వాహనాలను పరిశీలించి, వాటికి సంబంధించిన క్రైం నంబర్లు నమోదు చేసి క్రమబద్ధంగా ఉంచాలని సూచించారు.

తనిఖీలో చౌటుప్పల్‌ డీఎస్పీ మధుసూదన్‌, సీఐ వెంకటేశ్వర్లు, ఎస్‌ఐ యుగేందర్‌, పోలీసు సిబ్బంది పాల్గొన్నారు.