పంచాయతీ శాఖ ఆదేశాలతో యాదాద్రి భువనగిరి జిల్లాలో ఏర్పాట్లు

యాదాద్రి భువనగిరి స్థానికం ప్రధాన ప్రతినిధి

తెలంగాణ పంచాయతీ రాజ్ శాఖ ఆదేశాల మేరకు యాదాద్రి భువనగిరి జిల్లాలో సర్పంచులకు ప్రత్యేక శిక్షణ తరగతులు ఏర్పాటు చేసినట్లు జిల్లా కలెక్టర్, జిల్లా ప్రజా పరిషత్ ప్రత్యేక అధికారి హనుమంతరావు తెలిపారు. జిల్లాలోని సంబంధిత సర్పంచులు నిర్ణీత తేదీల్లో నిర్వహించే శిక్షణ తరగతులకు తప్పనిసరిగా హాజరై, వాటిని విజయవంతం చేయాలని ఆయన కోరారు.పంచాయతీ రాజ్ శాఖ ఆధ్వర్యంలో నిర్వహించే ఈ శిక్షణ తరగతులు జిల్లాలోని స్వామి రామానంద తీర్థ రూరల్ ఇన్‌స్టిట్యూట్ (SRTRI), జలాల్పూర్ గ్రామం, భూదాన్ పోచంపల్లి మండలంలో నిర్వహించనున్నట్లు కలెక్టర్ తెలిపారు. మండలాల వారీగా బ్యాచులుగా శిక్షణ తరగతులు కొనసాగుతాయని వివరించారు.

శిక్షణ తేదీలు – మండలాల వివరాలు:

జనవరి 19 నుంచి 23, 2026 వరకు

బ్యాచ్ నెంబర్ 1 & 2 – వలిగొండ, భూదాన్ పోచంపల్లి, తుర్కపల్లి.

ఫిబ్రవరి 03 నుంచి 07, 2026 వరకు

బ్యాచ్ 1 & 2 – బొమ్మలరామారం, అడ్డగూడూరు, ఆలేరు, రామన్నపేట.

ఫిబ్రవరి 09 నుంచి 13, 2026 వరకు

బ్యాచ్ 1 & 2 – భువనగిరి, మోత్కూర్, రాజాపేట, యాదగిరిగుట్ట.

ఫిబ్రవరి 17 నుంచి 21, 2026 వరకు

బ్యాచ్ 1 & 2 – బీబీనగర్, చౌటుప్పల్, నారాయణపూర్.

ఫిబ్రవరి 24 నుంచి 28, 2026 వరకు

బ్యాచ్ 1 – గుండాల, మోటకొండూర్, ఆత్మకూరు.

గ్రామాభివృద్ధి కార్యక్రమాల అమలులో సర్పంచుల పాత్ర కీలకమని, శిక్షణ ద్వారా పరిపాలనా నైపుణ్యాలు, బాధ్యతలపై అవగాహన పెరుగుతుందని జిల్లా కలెక్టర్ హనుమంతరావు పేర్కొన్నారు. నిర్ణీత తేదీల్లో అందరూ హాజరై శిక్షణను సద్వినియోగం చేసుకోవాలని ఆయన విజ్ఞప్తి చేశారు