నల్గొండ, ఫిబ్రవరి 25:

జిల్లా యువతకు ఉపాధి కల్పించాలనే డిమాండ్‌తో భారత ప్రజాతంత్ర యువజన సమాఖ్యఆధ్వర్యంలో నల్గొండ పట్టణంలోని సమాచార సాంకేతిక గోపురం వద్ద ఆందోళన నిర్వహించారు.

ఈ సందర్భంగా డివైఎఫ్ఐ రాష్ట్ర ఉపాధ్యక్షులు మల్లం మహేష్ మాట్లాడుతూ ఎన్నికల ముందు యువతకు స్థానికంగానే ఉద్యోగాలు కల్పిస్తామని హామీ ఇచ్చి కోట్ల రూపాయలతో నిర్మించిన గోపురం నేడు ఖాళీగా ఉండటం విచారకరమన్నారు. ఇతర నగరాలకు వలస వెళ్లాల్సిన అవసరం లేకుండా జిల్లాలోనే ఉపాధి లభిస్తుందని చెప్పి, ఇప్పుడు పెట్టుబడులు ఆహ్వానించడంలో ప్రభుత్వం విఫలమైందని విమర్శించారు.

అధికారంలో ఉన్న ఇండియన్ నేషనల్ కాంగ్రెస్ప్ర భుత్వం గత ప్రభుత్వంపై నెపం మోపడం సరైంది కాదన్నారు. ఇప్పటికే నిర్మించిన గోపురాన్ని సమర్థంగా వినియోగించి యువతకు నైపుణ్య శిక్షణ అందించి పరిశ్రమలను ఆహ్వానించాలని డిమాండ్ చేశారు.

సమాచార సాంకేతిక గోపురం ఉత్సవ విగ్రహంలా మారి ప్రచారానికే పరిమితమైందని ఆవేదన వ్యక్తం చేశారు. జిల్లా అభివృద్ధి కోసం తక్షణం చర్యలు తీసుకుని యువతకు ఉపాధి కల్పించాలని కోరారు.

ఈ కార్యక్రమంలో స్టూడెంట్స్ఫె డరేషన్ అఫ్ ఇండియా జిల్లా కార్యదర్శి ఖమ్మంపాటి శంకర్, డివైఎఫ్ఐ జిల్లా ఉపాధ్యక్షులు గుండాల నరేష్, నాయకులు సైఫ్, కిరణ్, రియాజ్, కుమార్, తరుణ్, కార్తీక్, శ్రీకాంత్ తదితరులు పాల్గొన్నారు