తెలంగాణ యాస, సంస్కృతితో రూపకల్పన: నిర్మాత బండారు మయూరి రెడ్డి

లక్కారంలో ఘనంగా సినిమా ప్రమోషన్స్

తెలంగాణ యాస, భాష, ఇక్కడి సంస్కృతి సంప్రదాయాల నేపథ్యంలో తెరకెక్కిన ‘మారెమ్మ’ చలనచిత్రాన్ని ప్రేక్షకులు ఆదరించి ఆశీర్వదించాలని చిత్ర నిర్మాత బండారు మయూరి రెడ్డి కోరారు. మండల పరిధిలోని లక్కారం గ్రామంలో గల వీవీఎం గార్డెన్స్‌లో శుక్రవారం శ్రీ గాయత్రి జూనియర్ కళాశాల కరస్పాండెంట్ భీమిడి సుభాష్ రెడ్డి ఆధ్వర్యంలో 'మారెమ్మ' సినిమా ప్రమోషన్ కార్యక్రమాన్ని ఘనంగా నిర్వహించారు. ఈ కార్యక్రమానికి చిత్ర బృందం ముఖ్య అతిథులుగా హాజరై సందడి చేశారు.​ఈ సందర్భంగా నిర్మాత బండారు మయూరి రెడ్డి మాట్లాడుతూ.. తెలంగాణ ప్రాంతంలో అత్యంత భక్తిశ్రద్ధలతో కొలిచే గ్రామదేవత మారెమ్మ తల్లి మహిమలను, గ్రామీణ జీవన విధానాన్ని కళ్లకు కట్టేలా ఈ చిత్రాన్ని ఎంతో శ్రద్ధతో రూపొందించినట్లు తెలిపారు. ప్రతి కుటుంబం థియేటర్లలోనే ఈ సినిమాను వీక్షించాలని పిలుపునిచ్చారు.

​కథానాయకుడు మాధవ్ భూపతి రాజు మాట్లాడుతూ.. తన మొదటి సినిమా 'మారెమ్మ' కావడం ఎంతో సంతోషంగా ఉందన్నారు. ప్రతి ఒక్కరినీ ఆకట్టుకునే అంశాలు ఇందులో ఉన్నాయని, ప్రేక్షకుల ఆశీస్సులతో చిత్రం ఘనవిజయం సాధిస్తుందనే నమ్మకాన్ని వ్యక్తంచేశారు.​ఈ కార్యక్రమంలో శ్రీ గాయత్రి విద్యాసంస్థల కరస్పాండెంట్ భీమిడి సుభాష్ రెడ్డి, కో-ప్రొడ్యూసర్ కుషాల్ రెడ్డి, డైరెక్టర్ మంచాల నాగరాజు, హీరోయిన్ దీప బాలు, చిత్ర నటీనటులు, కళాశాల విద్యార్థులు పాల్గొన్నారు.