గోల్డెన్ అవర్‌పై ప్రజలకు అవగాహన కల్పించాలి – జూన్‌లో స్కూల్ బస్సుల ఫిట్‌నెస్ తనిఖీలు నిర్వహించాలి

సూర్యాపేట జిల్లాలో రోడ్డు ప్రమాదాల నివారణకు అన్ని శాఖల అధికారులు సమన్వయంతో పనిచేయాలని జిల్లా కలెక్టర్ తేజస్ నంద్ లాల్ పవార్ సూచించినట్లు తెలిపారు. శనివారం కలెక్టరేట్ వీడియో కాన్ఫరెన్స్ హాల్‌లో జిల్లా ఎస్పీ కె. నరసింహతో కలిసి ఆర్డీవోలు, తహసీల్దార్లు, ఎంపీడీవోలు, మున్సిపల్ కమిషనర్లు, జాతీయ రహదారుల సంస్థ, ఆర్ అండ్ బి, రైల్వే, ఇరిగేషన్, రవాణా, విద్య, వైద్య, పోలీసు శాఖల అధికారులతో రోడ్డు భద్రత అవగాహన కార్యక్రమాలపై వీడియో కాన్ఫరెన్స్ నిర్వహించినట్లు తెలిపారు. ఈ సందర్భంగా కలెక్టర్ మాట్లాడుతూ రోడ్డు ప్రమాదాల వల్ల ఒక్క ప్రాణం కూడా కోల్పోకుండా ప్రజల్లో విస్తృత స్థాయిలో అవగాహన కల్పించాల్సిన అవసరం ఉందని పేర్కొన్నట్లు తెలిపారు. పోలీసు శాఖ ఆధ్వర్యంలో చేపడుతున్న రోడ్డు భద్రత కార్యక్రమాల్లో జిల్లా యంత్రాంగం భాగస్వామ్యం కావాలని, విద్యార్థులు, యువత, ప్రజలను చైతన్యవంతం చేయాలని సూచించినట్లు తెలిపారు. రహదారులలో ఉన్న లోపాలను గుర్తించి వెంటనే సవరించాలని జాతీయ రహదారుల అధికారులను ఆదేశించినట్లు తెలిపారు. గ్రామస్థాయిలో రోడ్డు భద్రత కమిటీలు ఏర్పాటు చేసి గ్రామాల్లో పెద్ద ఎత్తున అవగాహన సదస్సులు నిర్వహించాలని సూచించినట్లు తెలిపారు. జూన్ నెలలో పాఠశాలలు ప్రారంభం కానున్న నేపథ్యంలో స్కూల్ బస్సులపై ఫిట్‌నెస్ తనిఖీలు నిర్వహించి భద్రతా ప్రమాణాలు పాటిస్తున్నాయో లేదో పరిశీలించాలని రవాణా, పోలీసు శాఖ అధికారులను ఆదేశించినట్లు తెలిపారు. పాఠశాలలు, దేవాలయాల పరిసర ప్రాంతాల్లో మాదకద్రవ్యాలు, బెల్ట్ షాపులు లేకుండా చర్యలు తీసుకోవాలని, పాన్ షాపుల వద్ద గుట్కా, పాన్ పరాగ్, గంజాయి విక్రయాలపై నిఘా ఉంచాలని విద్యాశాఖ అధికారులకు సూచించినట్లు తెలిపారు. జిల్లా ఎస్పీ కె. నరసింహ మాట్లాడుతూ గ్రామాల్లో రోడ్డు భద్రత కమిటీలు ఏర్పాటు చేసి హెచ్చరిక బోర్డులు ఏర్పాటు చేయాలని, స్కూల్ జోన్లలో ట్రాఫిక్ నిబంధనలు కచ్చితంగా పాటించాలని సూచించినట్లు తెలిపారు. ఫిట్‌నెస్ లేని స్కూల్ బస్సులపై చర్యలు తీసుకుంటామని, ప్రతి ఒక్కరూ హెల్మెట్, సీట్ బెల్ట్ తప్పనిసరిగా ధరించాలని పేర్కొన్నట్లు తెలిపారు. గోల్డెన్ అవర్‌పై ప్రజలకు అవగాహన కల్పించి రోడ్డు ప్రమాదాల్లో గాయపడిన వారికి తక్షణ సహాయం అందించడం ద్వారా ప్రాణాలు కాపాడవచ్చని, ప్రమాద బాధితులకు సహాయం చేసే వారికి చట్టపరమైన ఇబ్బందులు ఉండవని స్పష్టం చేసినట్లు తెలిపారు. డయల్ 100, 108, 112 సేవలపై ప్రజల్లో అవగాహన కల్పించాలని సూచించినట్లు తెలిపారు. ఈ కార్యక్రమంలో అదనపు కలెక్టర్ బి. హరి సింగ్, డీఎంహెచ్‌వో వెంకటరమణ, డీఈవో అశోక్, ఆర్టీఓ జయప్రకాశ్ రెడ్డి, డీపీఓ యాదగిరి, డ్రగ్ ఇన్‌స్పెక్టర్ సురేందర్ తదితర అధికారులు పాల్గొన్నట్లు తెలిపారు.