రామన్నపేట బార్ అసోసియేషన్ నూతనంగా ఎన్నికైన కమిటీ ప్రమాణ స్వీకారం కార్యక్రమం ఘనంగా జరిగింది. సీనియర్ అడ్వకేట్ దూశర్ల నరేందర్ రావు కమిటీ సభ్యులతో ప్రమాణ స్వీకారం చేయించారు.

ఈ సందర్భంగా అసోసియేషన్ అధ్యక్షుడు మజీద్, ఉపాధ్యక్షుడు సంగిశెట్టి బాలరాజు, ప్రధాన కార్యదర్శి యాదాసు యాదయ్య, సంయుక్త కార్యదర్శి ఏళ్ల శ్రీశైలం, క్రీడా & సాంస్కృతిక కార్యదర్శి నోముల స్వామి సహా కార్యవర్గ సభ్యులు తమ బాధ్యతలను నిబద్ధతతో నిర్వహిస్తామని ప్రమాణం చేశారు.

కొత్త కమిటీ సభ్యులు మాట్లాడుతూ న్యాయవాదుల సంక్షేమం, వృత్తి అభివృద్ధి, బార్ అసోసియేషన్ అభ్యున్నతికి కృషి చేస్తామని తెలిపారు. న్యాయ వ్యవస్థ గౌరవాన్ని కాపాడుతూ పరస్పర సహకారంతో ముందుకు సాగుతామని పేర్కొన్నారు.

కార్యక్రమానికి బార్ సభ్యులు పెద్ద సంఖ్యలో హాజరై కొత్త కమిటీకి అభినందనలు తెలిపారు