స్థానిక ప్రతినిధి రామన్నపేట

కాంగ్రెస్ సర్పంచ్‌కు ఘన సన్మానం

రామన్నపేటను మేజర్ గ్రామపంచాయతీగా అభివృద్ధి దిశగా నడిపించాలనే సంకల్పంతో కాంగ్రెస్ పార్టీ తరఫున సర్పంచ్‌గా ఎన్నికైన సందర్భంగా నకిరేకల్ శాసనసభ్యులు వేముల వీరేశం గారు నూతన సర్పంచ్‌ను శాలువాతో సత్కరించి, పూలమాల వేసి ఘనంగా సన్మానించారు.

ఈ కార్యక్రమంలో వార్డు సభ్యులు, పట్టణ కాంగ్రెస్ అధ్యక్షులు మొహమ్మద్ జమీరుద్దీన్, సీపీఐ మండల కార్యదర్శి ఊట్కూరు నరసింహ, కాంగ్రెస్ నాయకులు జింగల ప్రభాకర్, సాల్వేర్ అశోక్, మొహమ్మద్ నాసర్, వనం చంద్రశేఖర్, జిల్లా వెంకటేశం, బొడ్డు సురేందర్ రావు, గోదాస్ శ్రీమన్నారాయణ, మొహమ్మద్ అక్రం, బుర్రి రవీందర్, కోట సుధాకర్ తదితరులు పాల్గొన్నారు.

ఈ సందర్భంగా ఎమ్మెల్యే వేముల వీరేశం మాట్లాడుతూ, రామన్నపేట అభివృద్ధికి కాంగ్రెస్ ప్రభుత్వం పూర్తిస్థాయిలో సహకరిస్తుందని తెలిపారు. ప్రజల నమ్మకాన్ని నిలబెట్టుకుంటూ పారదర్శక పాలన అందించాలని నూతన సర్పంచ్‌కు సూచించారు. కార్యక్రమం అంతా ఉత్సాహభరిత వాతావరణంలో సాగింది.