తిరుపతి స్విమ్స్‌లో చికిత్స పొందుతూ మృతి.

తిరుపతి: సోషల్ మీడియాలో ‘అగ్గిపెట్టె మచ్చ’గా పాపులర్ అయిన కిరణ్‌కుమార్ కన్నుమూశారు. ఐదు రోజుల క్రితం అస్వస్థతకు గురైన ఆయనను కుటుంబ సభ్యులు తిరుపతిలోని స్విమ్స్ ఆసుపత్రికి తరలించారు. అక్కడ చికిత్స పొందుతూ బుధవారం మృతి చెందారు.

తనదైన శైలితో సోషల్ మీడియాలో గుర్తింపు తెచ్చుకున్న కిరణ్‌కుమార్‌కు ‘అగ్గిపెట్టె మచ్చ’గా ప్రత్యేక గుర్తింపు లభించింది. ఆయన మృతితో అభిమానులు, సన్నిహితులు, సోషల్ మీడియా మిత్రులు విషాదంలో మునిగిపోయారు. ఆయన మృతికి పలువురు సంతాపం వ్యక్తం చేశారు.