నారాయణఖేడ్ నియోజకవర్గంలో మానూర్ మండలంలోని బోరంచ గ్రామానికి టీబీ నిర్మూలనలో చేసిన కృషికి గాను రెండోసారి టీబీ ముక్త్ అవార్డు లభించింది. ఈ సందర్భంగా అదనపు కలెక్టర్ పాండు, సీఈఓ జానకిరెడ్డి చేతుల మీదుగా ఎంపీడీవో చంద్రశేఖర్, గ్రామ సర్పంచ్ పంచగామ బీరప్ప అవార్డును అందుకున్నారు. గ్రామంలో టీబీ నిర్మూలనకు కృషి చేసిన అధికారులు, సిబ్బందిని సర్పంచ్ అభినందించారు. గ్రామ ప్రజల సహకారంతో టీబీ నిర్మూలనలో బోరంచను ఆదర్శంగా నిలిపేందుకు కృషి చేయాలని, గ్రామాన్ని మరింత అభివృద్ధి పథంలో ముందుకు తీసుకెళ్లేందుకు అందరూ కలిసికట్టుగా పనిచేయాలని ఆయన సూచించారు.