మునగాల మండలం కలకోవ గ్రామంలో బుధవారం గ్యాస్ లీకేజీ కారణంగా పూరిగుడిసె పూర్తిగా దగ్ధమైంది. గ్రామానికి చెందిన చిర్ర గురవయ్య ఇంట్లో గ్యాస్ లీకై ఒక్కసారిగా మంటలు చెలరేగాయి. మంటలు వేగంగా వ్యాపించడంతో ఇంట్లోని వస్తువులు, సామగ్రి పూర్తిగా కాలిపోయాయి. ప్రమాద సమయంలో కుటుంబ సభ్యులు బయటకు రావడంతో ఎలాంటి ప్రాణనష్టం, గాయాలు సంభవించలేదు. ఇల్లు, సామగ్రి మొత్తం కాలిపోవడంతో బాధిత కుటుంబం తీవ్ర ఆవేదనకు గురైంది. ప్రభుత్వం తమను ఆదుకోవాలని కుటుంబ సభ్యులు కోరుతున్నారు.