రామన్నపేట మండల విద్యాశాఖాధికారి (ఎంఈఓ) తంగెళ్ల సురేందర్ రెడ్డికి అరుదైన గౌరవం దక్కింది. యాదాద్రి భువనగిరి జిల్లా గెజిటెడ్ ప్రధానోపాధ్యాయుల సంఘం జిల్లా అధ్యక్షుడిగా ఆయన ఏకగ్రీవంగా ఎన్నికయ్యారు. విద్యార్థుల విద్యాభివృద్ధి, ఉపాధ్యాయుల సమన్వయంతో మండలంలో విద్యారంగ పురోగతికి ఆయన చేస్తున్న కృషికి గుర్తింపుగా ఈ ఎన్నిక నిలిచింది.

సురేందర్ రెడ్డి నాయకత్వంలో జిల్లాలో విద్యారంగం మరింత అభివృద్ధి సాధించాలని పలువురు ఉపాధ్యాయులు ఆకాంక్షించారు. ఈ సందర్భంగా ఆయనకు శుభాకాంక్షలు తెలిపారు. ఎస్‌.కొమ్మాయిగూడెం పాఠశాల ఉపాధ్యాయులు కొత్త కోటేశ్వర్, ఎం.ఉదయశ్రీ, జి.ఆనంద్, జి.వెంకటేశ్వర్లు ఆయనను అభినందిస్తూ ప్రకటన విడుదల చేశారు