ఇందిరమ్మ ఇళ్లలో పక్షపాతం వద్దు.. అర్హులందరికీ మంజూరు చేయాలి.

భువనగిరి, అక్టోబర్‌ 8 స్థానికం ప్రతినిధి.

ప్రతిపక్ష పార్టీ సర్పంచులపై వేధింపులు ఆపాలని, ఇందిరమ్మ ఇళ్ల కేటాయింపుల్లో పక్షపాతానికి తావులేకుండా అర్హులైన పేదలందరికీ ఇళ్లు మంజూరు చేయాలని డిమాండ్‌ చేస్తూ బీఆర్‌ఎస్‌ సర్పంచులు గురువారం కలెక్టరేట్‌ ఎదుట ధర్నా నిర్వహించారు. రాష్ట్ర సర్పంచుల ఫోరం వర్కింగ్‌ ప్రెసిడెంట్, నాగిరెడ్డిపల్లి సర్పంచ్‌ జక్క రాఘవేందర్‌రెడ్డి ఆధ్వర్యంలో ఆందోళన చేపట్టి అడ్మినిస్ట్రేషన్‌ అధికారి అంజిరెడ్డికి వినతిపత్రం అందజేశారు.

లబ్ధిదారుల ఎంపికను గ్రామసభల ద్వారా పారదర్శకంగా చేపట్టాలని, అర్హత ఉన్న ప్రతి పేద కుటుంబానికి రాజకీయ పక్షపాతం లేకుండా ఇళ్లు మంజూరు చేయాలని కోరారు. సంక్షేమ పథకాలు సర్పంచుల ఆధ్వర్యంలో ప్రజలకు అందేలా చర్యలు తీసుకోవాలని డిమాండ్‌ చేశారు.

కార్యక్రమంలో వలిగొండ మండల సర్పంచుల ఫోరం అధ్యక్షురాలు పనుమటి మమత నరేందర్‌రెడ్డి, జనగాం పాండు, నీల శిరీష, ఓంప్రకాష్‌, అతికం అరుణ, లక్ష్మీనారాయణగౌడ్‌, ర్యాకల సంతోష్‌, కటికే జంగయ్యయాదవ్‌, నాగేల్లి గిరిజా రమేష్‌గౌడ్‌, గాదె యశోద, తోటకూర శంకరయ్య, కంకల కిష్టయ్య, బోడిగే లింగస్వామి, సామ రవీందర్‌రెడ్డి, తరిమి లలిత, మద్యాల మంజుల తదితరులు పాల్గొన్నారు.