వనస్థలిపురం, అక్టోబర్ 7:

దివంగత బడేటి మల్లేశం గౌడ్ వర్ధంతిని పురస్కరించుకుని ఆయన కుటుంబ సభ్యులు సేవా కార్యక్రమం నిర్వహించారు. వనస్థలిపురంలోని ‘రెడీ టు సర్వ్ ఫౌండేషన్’ వృద్ధాశ్రమంలో బుధవారం మల్లేశం గౌడ్ నాల్గవ వర్ధంతి సందర్భంగా ఆశ్రమంలోని వృద్ధులకు అన్నదానం చేశారు.

యాదాద్రి భువనగిరి జిల్లా చౌటుప్పల్ మున్సిపాలిటీ పరిధిలోని తంగడపల్లి గ్రామానికి చెందిన మల్లేశం గౌడ్ చిత్రపటానికి ఆశ్రమంలోని వృద్ధులు, సిబ్బంది పూలమాలలు వేసి నివాళులర్పించారు. అనంతరం ఆయన కుటుంబ సభ్యుల సౌజన్యంతో వృద్ధులకు భారీ అన్నదాన కార్యక్రమం నిర్వహించారు.

ఈ సందర్భంగా వృద్ధాశ్రమ నిర్వాహకులు పెద్ది శంకర్ మాట్లాడుతూ.. మల్లేశం గౌడ్ వర్ధంతి సందర్భంగా ఆయన కుటుంబ సభ్యులు వృద్ధులకు అన్నదానం చేయడం అభినందనీయమన్నారు. ఆపన్నులను ఆదుకోవాలనే సేవా భావం సమాజానికి ఆదర్శంగా నిలుస్తుందని పేర్కొన్నారు. మల్లేశం గౌడ్ కుటుంబ సభ్యులపై భగవంతుడి ఆశీస్సులు ఎల్లప్పుడూ ఉండాలని ఆకాంక్షించారు.

కార్యక్రమంలో ఆశ్రమ సిబ్బందితో పాటు పెద్ద సంఖ్యలో వృద్ధులు పాల్గొన్నారు.