నారాయణఖేడ్ డివిజన్ పరిధిలోని మారుమూల ప్రాంత మండలంగా పేరుగాంచిన నాగల్ గిద్ద పోలీస్ స్టేషన్‌లో ఏఎస్సైగా విధులు నిర్వహిస్తున్న రవీందర్ కుమార్ గణతంత్ర దినోత్సవం సందర్భంగా ఉత్తమ సహాయ ఉప నిరీక్షకుడిగా ఎంపికై జిల్లా కలెక్టర్ చేతుల మీదుగా అవార్డు, ప్రశంసా పత్రం అందుకోవడం ఎంతో గర్వకారణం.ఈ సందర్భంగా తెలంగాణ రాష్ట్ర ఉద్యోగ, ఉపాధ్యాయ సంఘం రాష్ట్ర కార్యదర్శి ఎన్. సంతోష్ కుమార్ రవీందర్ కుమార్‌ను ఘనంగా సన్మానించి, పుష్పగుచ్చం అందజేసి హృదయపూర్వక శుభాకాంక్షలు తెలిపారు.బడుగు,బలహీన వర్గంలో జన్మించి అనేక కష్టాలను ఎదుర్కొంటూ చదువులోనూ, ఉద్యోగ విధుల్లోనూ అంకితభావంతో పనిచేసి ఈ స్థాయికి చేరుకోవడం అభినందనీయం అని ఆయన ప్రశంసించారు.ఇకముందు కూడా ఇదే విధంగా ప్రజలకు సేవ చేస్తూ మరిన్ని పురస్కారాలు పొందుతూ ఉన్నత స్థాయికి ఎదగాలని ఆకాంక్షించారు.అలాగే మా మండలం పోలీస్ స్టేషన్‌కు మంచి గుర్తింపు తీసుకువచ్చినందుకు సంఘం తరఫున ప్రత్యేకంగా క్యాలెండర్‌ను అందజేసి అభినందనలు తెలియజేశారు.