నారాయణఖేడ్ మున్సిపల్ ఎన్నికల సందర్భంగా 9వ వార్డ్ కాంగ్రెస్ పార్టీ అభ్యర్థి బాణాపురం రాజు మద్దతుగా నిర్వహించిన ఎన్నికల ప్రచార కార్యక్రమంలో జిల్లా కాంగ్రెస్ నాయకుడు పట్లోళ్ల సుధాకర్ రెడ్డి పాల్గొన్నారు.ఈ సందర్భంగా వారు 9వ వార్డ్ పరిధిలో ఇంటింటి ప్రచారం నిర్వహిస్తూ ప్రజలతో నేరుగా మాట్లాడుతూ, కాంగ్రెస్ పార్టీ అమలు చేస్తున్న సంక్షేమ పథకాలను వివరించారు.

అలాగే కాంగ్రెస్ పార్టీ మున్సిపల్ పట్టణంలో చేపట్టిన అభివృద్ధి పనులు, భవిష్యత్తులో చేపట్టబోయే కార్యక్రమాలపై ప్రజలకు అవగాహన కల్పించారు.కాంగ్రెస్ పార్టీ ప్రజల పార్టీ అని, పేదలు, బడుగు, బలహీన వర్గాల అభ్యున్నతే లక్ష్యంగా పనిచేస్తోందని తెలిపారు. మున్సిపల్ అభివృద్ధికి అనుభవం కలిగిన నాయకత్వం అవసరమని, అందుకు 9వ వార్డ్ నుండి బాణాపురం రాజును అత్యధిక మెజారిటీతో గెలిపించాలని ప్రజలను కోరారు.ఈ ఎన్నికల ప్రచార కార్యక్రమంలో కాంగ్రెస్ పార్టీ కార్యకర్తలు, ముఖ్య నాయకులు, స్థానిక ప్రజలు పెద్ద ఎత్తున పాల్గొని కార్యక్రమాన్ని విజయవంతం చేశారు.