సంగారెడ్డి జిల్లా స్థానిక ప్రతినిధి:తెలంగాణ పద్మశాలి ఉద్యోగుల సంఘం ఉమ్మడి మెదక్ జిల్లా ఆధ్వర్యంలో రూపొందించిన 2026 నూతన సంవత్సర క్యాలెండర్‌ను శుక్రవారం సంగారెడ్డి కలెక్టర్ కార్యాలయంలో జిల్లా కలెక్టర్ ప్రావీణ్య చేతుల మీదుగా ఘనంగా ఆవిష్కరించారు. ఈ సందర్భంగా సంఘం జిల్లా అధ్యక్షుడు జట్ల భాస్కర్ మాట్లాడుతూ పద్మశాలి ఉద్యోగుల ఐక్యత, సంక్షేమం, వృత్తి అభివృద్ధి కోసం సంఘం నిరంతరం కృషి చేస్తోందని తెలిపారు. భవిష్యత్తులో కూడా సేవా కార్యక్రమాలు, సామాజిక కార్యక్రమాలు కొనసాగిస్తామని పేర్కొన్నారు. ఈ కార్యక్రమంలో సంఘం అసోసియేట్ అధ్యక్షులు, ప్రధాన కార్యదర్శి, ఉపాధ్యక్షులు, సంయుక్త కార్యదర్శులు, కార్యనిర్వాహక కార్యదర్శులు, కార్యవర్గ సభ్యులు పాల్గొనగా, పద్మశాలి కులబంధవులు పెద్ద సంఖ్యలో హాజరయ్యారు.