వాహనం వేగంగా వెళ్తుంది… కానీ నీ జీవితం ఆగిపోతుంది”

నల్లగొండ పోలీసుల వినూత్న అవగాహన

రోడ్డు ప్రమాదాల నివారణకు నల్లగొండ జిల్లా పోలీసులు వినూత్న అవగాహన కార్యక్రమాన్ని చేపట్టారు. వెలిమినేడు హైవేలో దాబా సమీపంలో ప్రమాదంలో పూర్తిగా ధ్వంసమైన కారును బోర్డు పై ఏర్పాటు చేసి, ప్రజలకు హెచ్చరికగా నిలిపారు.

ప్రమాదాల తీవ్రతను కళ్లకు కట్టినట్లుగా చూపించేందుకు ఈ ప్రయత్నం చేయబడింది. “నీ వాహనం వేగంగా వెళ్తుంది… కానీ నీ జీవితం ఆగిపోతుంది” అనే సందేశంతో పాటు “Every life counts – Nalgonda Police cares” అనే నినాదాన్ని ప్రదర్శించారు.

వేగం, నిర్లక్ష్యం, ట్రాఫిక్ నియమాల ఉల్లంఘన వల్ల జరిగే ప్రమాదాలపై ప్రజల్లో చైతన్యం పెంపొందించడమే ఈ కార్యక్రమం ఉద్దేశమని పోలీసులు తెలిపారు. ధ్వంసమైన కారును చూసిన వాహనదారులు జాగ్రత్తగా డ్రైవింగ్ చేయాలనే అవగాహన పొందుతున్నారు.