పుట్టపర్తి మున్సిపాలిటీ పరిధిలోని ప్రశాంతి గ్రామం వై జంక్షన్ సమీపంలోని బీసీ కాలనీలో ప్రధాన తాగునీటి పైప్‌లైన్ దెబ్బతినడంతో గత ఐదు రోజులుగా నీటి సరఫరా నిలిచిపోయిందని స్థానికులు సోమవారం ఆవేదన వ్యక్తం చేశారు.

ఈ సమస్య కారణంగా బీసీ కాలనీతో పాటు సమీపంలోని మరో రెండు కాలనీల ప్రజలు తీవ్ర ఇబ్బందులు ఎదుర్కొంటున్నట్లు తెలిపారు. తాగునీటి కోసం ప్రత్యామ్నాయ మార్గాలను ఆశ్రయించాల్సిన పరిస్థితి ఏర్పడిందని పేర్కొన్నారు.

దెబ్బతిన్న పైప్‌లైన్‌ను వెంటనే మరమ్మతు చేసి తాగునీటి సరఫరాను పునరుద్ధరించాలని మున్సిపల్ అధికారులను స్థానికులు కోరుతున్నారు.