నారాయణఖేడ్ మున్సిపాలిటీ ఎన్నికల సహాయ అధికారి జే. జేగ్జీవన్ ఒక ప్రకటనలో మాట్లాడుతూ, రెండవ సాధారణ మునిసిపల్ ఎన్నికలలో భాగంగా నారాయణఖేడ్ మున్సిపాలిటీ పరిధిలో నామినేషన్ల స్వీకరణ ప్రక్రియ పూర్తయిందని తెలిపారు. ఈ సందర్భంగా ఆయన మాట్లాడుతూ, మొత్తం 118 మంది అభ్యర్థుల నుండి 153 నామినేషన్లు స్వీకరించబడినట్లు వెల్లడించారు.నిర్దేశిత గడువు ముగిసేలోగా 61 మంది అభ్యర్థులు తమ నామినేషన్లను స్వచ్ఛందంగా ఉపసంహరించుకున్నారని తెలిపారు. తద్వారా ప్రస్తుతం నారాయణఖేడ్ మున్సిపాలిటీలో జరిగే ఎన్నికల్లో 57 మంది అభ్యర్థులు బరిలో నిలిచారని వివరించారు.ఈ 57 మంది అభ్యర్థులలో వివిధ రాజకీయ పార్టీలకు చెందిన వారు 50 మంది కాగా, మిగిలిన 7 మంది స్వతంత్ర అభ్యర్థులుగా పోటీలో ఉన్నారని చెప్పారు. రాజకీయ పార్టీ వారీగా అభ్యర్థుల వివరాలు ఈ విధంగా ఉన్నాయని పేర్కొన్నారు.

జాతీయ కాంగ్రెస్ పార్టీ – 15 మంది

భారతీయ జనతా పార్టీ – 15 మంది

భారత రాష్ట్ర సమితి – 15 మంది

ఆల్ ఇండియా మజ్లిస్ ఇ ఇటెహాద్ ఉల్ ముస్లిమీన్ పార్టీ – 3 మంది

బహుజన్ సమాజ్ పార్టీ – 1 వ్యక్తి

భారత కమ్యూనిస్టు పార్టీ – 1 వ్యక్తి

స్వతంత్ర అభ్యర్థులు – 7 మంది

మొత్తం అభ్యర్థులు – 57 మంది

నారాయణఖేడ్ మున్సిపాలిటీ పరిధిలో జరగనున్న ఈ ఎన్నికలు ప్రజాస్వామ్య పద్ధతిలో ప్రశాంతంగా నిర్వహించేందుకు అన్ని ఏర్పాట్లు చేసినట్లు ఎన్నికల సహాయ అధికారి జే. జేగ్జీవన్ తెలిపారు.