నారాయణఖేడ్ స్థానికం ప్రతినిధి కృష్ణ

నారాయణఖేడ్ మున్సిపాలిటీలో జరుగుతున్న మున్సిపల్ ఎన్నికల సందర్భంగా కాంగ్రెస్ పార్టీ తరఫున 7వ వార్డు కౌన్సిలర్ అభ్యర్థిగా యువనేత సాగర్ షేట్కార్ ఈరోజు (గురువారం) అధికారికంగా తన నామినేషన్ పత్రాలను దాఖలు చేశారు. ఈ కార్యక్రమానికి జహీరాబాద్ పార్లమెంట్ సభ్యులు సురేష్ కుమార్ షేట్కార్ సహకారం, ప్రోత్సాహం లభించినట్లు తెలిసింది.ఈ సందర్భంగా సాగర్ షేట్కార్ మాట్లాడుతూ,కాంగ్రెస్ పార్టీ అధిష్ఠానం ఇచ్చిన ఆదేశాలు, సూచనల మేరకు తాను నామినేషన్ దాఖలు చేసినట్లు తెలిపారు. ప్రజల విశ్వాసాన్ని నిలబెట్టుకుంటూ పార్టీని మరింత బలోపేతం చేయడానికి నిరంతరం కృషి చేస్తానని పేర్కొన్నారు. అలాగే 7వ వార్డులోని ప్రజలు ఎదుర్కొంటున్న సమస్యలను సమగ్రంగా గుర్తించి,వాటి పరిష్కారానికి అంకితభావంతో పనిచేస్తానని స్పష్టం చేశారు.నగర అభివృద్ధి, మౌలిక సదుపాయాల మెరుగుదలతో పాటు ప్రజల అవసరాలకు ప్రాధాన్యం ఇవ్వడమే తన ప్రధాన లక్ష్యమని సాగర్ షేట్కార్ తెలిపారు.కాంగ్రెస్ పార్టీ విధానాలు,సంక్షేమ కార్యక్రమాలను ప్రజల వద్దకు తీసుకెళ్లేందుకు శక్తివంచన లేకుండా పనిచేస్తానని ఆయన అన్నారు.ఈ నామినేషన్ కార్యక్రమంలో కాంగ్రెస్ పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొని సాగర్ షేట్కార్ కి సంఘీభావం తెలిపారు.నారాయణఖేడ్ మున్సిపాలిటీలోని 7వ వార్డులో కాంగ్రెస్ పార్టీ తరఫున బలమైన పోటీ ఉండనుందని స్థానికంగా చర్చ జరుగుతోంది.