నకిరేకల్ నియోజకవర్గంలో మహిళల ఆరోగ్య రక్షణకు సంబంధించిన కీలక కార్యక్రమానికి శ్రీకారం చుట్టారు. ముఖ్యంగా సర్వికల్ క్యాన్సర్ నివారణపై అవగాహన పెంపొందించేందుకు అల్లు అర్జున్అ భిమానుల సంఘం (AAFA) ఆధ్వర్యంలో నిర్వహిస్తున్న HPV వ్యాక్సిన్ అవగాహన కార్యక్రమం పోస్టర్‌ను ప్రభుత్వ విప్, నకిరేకల్ ఎమ్మెల్యే వేముల వీరేశం శనివారం ఆవిష్కరించారు.

ఈ సందర్భంగా ఎమ్మెల్యే వీరేశం మాట్లాడుతూ, మహిళల ఆరోగ్యం కుటుంబం మరియు సమాజ అభివృద్ధికి మూలస్థంభమని పేర్కొన్నారు. సర్వికల్ క్యాన్సర్ వంటి ప్రాణాంతక వ్యాధులపై ముందస్తు జాగ్రత్తలు తీసుకోవడం అత్యవసరమని, HPV వ్యాక్సిన్ పై ప్రజల్లో సరైన అవగాహన కల్పించాల్సిన అవసరం ఉందన్నారు.AAFA చేపట్టిన ఈ కార్యక్రమం ద్వారా గ్రామీణ ప్రాంతాల్లో కూడా ఆరోగ్య చైతన్యం పెంపొందుతుందని ఆయన అభిప్రాయపడ్డారు. యువత ముందుకు వచ్చి ఇలాంటి సేవా కార్యక్రమాల్లో భాగస్వాములు కావడం సమాజానికి శుభపరిణామమని కొనియాడారు.

ఈ కార్యక్రమంలో స్థానిక నాయకులు, అభిమానులు మరియు మహిళలు పాల్గొన్నారు.