నారాయణఖేడ్ స్థానికం ప్రతినిధి కృష్ణ

నారాయణఖేడ్ నియోజకవర్గంలోని నాగల్గిద్ద మండల పరిధిలోని ముక్తాపూర్ గ్రామంలో గ్రామ సర్పంచ్ సుభాష్ చంద్రబోస్ చేతుల మీదుగా ఉపాధి హామీ పథకం పనులను అధికారికంగా ప్రారంభించారు. ఈ సందర్భంగా గ్రామ సీనియర్ మెట్ అశోక్ ఆధ్వర్యంలో ఉపాధి హామీ కూలీలతో మట్టి పూడిక పనులు ప్రారంభమయ్యాయి. ఈ పనుల ద్వారా గ్రామంలోని అవసరమైన మౌలిక వసతులు మెరుగుపడతాయని తెలిపారు.ఈ ప్రారంభ కార్యక్రమంలో నాగల్గిద్ద మండల కాంగ్రెస్ పార్టీ అధ్యక్షుడు మాణిక్ రావు పాటిల్, గ్రామ వార్డు సభ్యులు, ఉపాధి హామీ కూలీలు, గ్రామ పెద్దలు మరియు గ్రామస్తులు పెద్ద సంఖ్యలో పాల్గొన్నారు. ఉపాధి హామీ పథకం ద్వారా గ్రామీణ ప్రాంతాల్లో ఉపాధి కల్పన జరుగుతుందని, పేద మరియు కూలీ కుటుంబాలకు ఇది ఎంతో ఉపయోగపడుతుందని ఈ సందర్భంగా వారు పేర్కొన్నారు.గ్రామాభివృద్ధికి ఇటువంటి పనులు ఎంతో దోహదపడతాయని, ప్రభుత్వం అందిస్తున్న పథకాలను ప్రజలు సద్వినియోగం చేసుకోవాలని గ్రామ నాయకులు గ్రామస్తులకు పిలుపునిచ్చారు. కార్యక్రమం గ్రామస్తుల సహకారంతో సజావుగా సాగింది.