మాతృదినోత్సవం సందర్భంగా కోదాడ టౌన్ సీఐ శివశంకర్ చూపిన మానవత్వం స్థానికులను ఆకట్టుకుంది. ప్రతి మహిళలో తన తల్లినే చూసుకుంటానని, మహిళలకు గౌరవం ఇవ్వడం ప్రతి ఒక్కరి బాధ్యత అని ఆయన అన్నారు. వృద్ధ మహిళను పరామర్శించి ఆప్యాయంగా మాట్లాడిన సీఐ శివశంకర్ చర్యలకు ప్రజలు ప్రశంసలు వ్యక్తం చేశారు. ఖాకీ దుస్తుల్లో మానవత్వాన్ని చాటుతూ ప్రజల కష్టాల్లో అండగా నిలుస్తున్నారని కొనియాడారు. మహిళలను తల్లిలా గౌరవించే అధికారి అని పలువురు అభిప్రాయపడ్డారు. మాతృదినోత్సవం సందర్భంగా ఆయన ఇచ్చిన సందేశం పలువురిని భావోద్వేగానికి గురిచేసింది.