యాదాద్రి భువనగిరి జిల్లా వైద్య మరియు ఆరోగ్యశాఖ ఆధ్వర్యంలో ప్రీ–కన్సెప్షన్ & ప్రీ–నేటల్ డయాగ్నోస్టిక్ టెక్నిక్స్ చట్టం–1994 (PC&PNDT Act) అమలుపై జిల్లా స్థాయి సలహా కమిటీ (DLAC) సమావేశం నిర్వహించారు. జిల్లా వైద్య మరియు ఆరోగ్య అధికారి డా. ఎం. మనోహర్ అధ్యక్షతన బుధవారం కలెక్టరేట్ మినీ హాల్, రాయగిరిలో ఈ సమావేశం జరిగింది.

ఈ సందర్భంగా జిల్లాలో చట్టపరమైన నిబంధనల అమలు, ఆరోగ్య సంస్థల పనితీరు, రికార్డుల నిర్వహణ, సేవల నాణ్యతపై విస్తృతంగా చర్చించి సమీక్షించారు. అల్ట్రాసౌండ్ కేంద్రాలు, జన్యు పరీక్ష కేంద్రాల నమోదు, పునరుద్ధరణ, వార్షిక తనిఖీలు, చట్ట ఉల్లంఘనలపై తీసుకున్న చర్యలు, పెండింగ్ అంశాలపై సమగ్రంగా పరిశీలించారు.

అన్ని నమోదిత కేంద్రాలు చట్ట నిబంధనలను కచ్చితంగా పాటించాలని అధికారులు స్పష్టం చేశారు. ముఖ్యంగా లింగ నిర్ధారణ నిషేధాన్ని కఠినంగా అమలు చేయాలని, ఎటువంటి ఉల్లంఘనలు జరగకుండా క్రమం తప్పకుండా తనిఖీలు నిర్వహించాలని ఆదేశించారు.

ఈ సమావేశంలో PC&PNDT ప్రోగ్రాం అధికారి డా. యల్. యశోద, డా. ఇందిరామణి (గైనకాలజీ విభాగాధిపతి), డా. జ్యోతి, డా. శ్రీదేవి, డా. నిర్మల (పిల్లల వైద్య నిపుణులు), డా. సుమన్ కళ్యాణ్ (డిప్యూటీ DM&HO), జిల్లా పబ్లిక్ రిలేషన్స్ అధికారి అరుంధతి, డా. ప్రమీల (సఖి NGO), శివలింగం (యాత్ర NGO), నాగరాజు (స్కీడ్ NGO), చి. సాయి రెడ్డి తదితరులు పాల్గొన్నారు.