నారాయణఖేడ్ నియోజకవర్గంలోని నారాయణఖేడ్ పట్టణ కేంద్రంలో గల నేషనల్ హ్యూమన్ రైట్స్ సోషల్ జస్టిస్ సోషల్ సర్వీస్ ఫర్ చేంజ్ ఆఫ్ ఇండియా జిల్లా కార్యాలయంలో మంగళవారం ఘనంగా పెన్ గన్ తెలుగు దినపత్రిక – 2026 నూతన సంవత్సర క్యాలెండర్ ఆవిష్కరణ కార్యక్రమం నిర్వహించారు.ఈ కార్యక్రమానికి ముఖ్య అతిథులుగా నేషనల్ హ్యూమన్ రైట్స్ సోషల్ జస్టిస్ సోషల్ సర్వీస్ ఫర్ చేంజ్ ఆఫ్ ఇండియా రాష్ట్ర వైస్ చైర్మన్ వై. పండరి, జిల్లా అధ్యక్షులు బైండ్ల కృష్ణ, జిల్లా ఎగ్జిక్యూటివ్ మెంబర్ ప్రభాకర్, అంబేద్కర్ భవనం ఇంచార్జీ భీమ్ సేన హాజరై, వారి చేతుల మీదుగా పెన్ గన్ తెలుగు దినపత్రిక నూతన సంవత్సర క్యాలెండర్‌ను ఆవిష్కరించారు.ఈ సందర్భంగా మాట్లాడిన నాయకులు, పెన్ గన్ తెలుగు దినపత్రిక ప్రజల సమస్యలను వెలుగులోకి తీసుకొచ్చే విధంగా, నిష్పక్షపాతమైన జర్నలిజంతో ముందుకు సాగాలని ఆకాంక్షించారు. సమాజంలో మానవ హక్కులు, సామాజిక న్యాయం, ప్రజా సమస్యలపై నిరంతరం పోరాడే పాత్రికేయులకు ఈ క్యాలెండర్ మరింత ప్రోత్సాహం అందిస్తుందని తెలిపారు.ఈ కార్యక్రమంలో పాల్గొన్న పెన్ గన్ రిపోర్టర్ లక్ష్మణ్ నూతన సంవత్సర శుభాకాంక్షలు తెలియజేస్తూ, భవిష్యత్తులో కూడా ప్రజలకు సత్యసంధమైన వార్తలు అందించేందుకు కృషి చేస్తామని అన్నారు.