శ్రీ సత్యసాయి జిల్లా పుట్టపర్తి నియోజకవర్గ పరిధిలోని జగరాజుపల్లి కస్తూరిబా గాంధీ బాలికల విద్యాలయాన్ని (KGBV) జిల్లా కలెక్టర్ ఏ. శ్యామ్ ప్రసాద్ శుక్రవారం ఆకస్మికంగా తనిఖీ చేశారు.

ఈ సందర్భంగా పాఠశాలలోని తరగతి గదులు, వంటశాల, విద్యార్థినుల వసతి గృహాలను ఆయన నిశితంగా పరిశీలించారు.విద్యార్థినులకు అందుతున్న విద్యా ప్రమాణాలు, మెనూ ప్రకారం అందిస్తున్న భోజన వసతిపై కలెక్టర్ ఆరా తీశారు.అనంతరం జిల్లా కలెక్టర్ మాట్లాడుతూ..కేజీబీవీ పాఠశాలల్లో చదువుతున్న విద్యార్థినులకు ఎలాంటి ఇబ్బందులు కలగకుండా నాణ్యమైన విద్యతో పాటు పౌష్టికాహారాన్ని అందించాలని అధికారులను ఆదేశించారు. విధుల్లో నిర్లక్ష్యం వహిస్తే కఠిన చర్యలు ఉంటాయని హెచ్చరించారు. ఈ తనిఖీల్లో సంబంధిత శాఖల అధికారులు, పాఠశాల సిబ్బంది పాల్గొన్నారు.