ఢిల్లీలో తెలంగాణ ముఖ్యమంత్రి రేవంత్ రెడ్డి, జహీరాబాద్ ఎంపీ సురేష్ కుమార్ షేట్కార్ మర్యాదపూర్వకంగా ఏఐసీసీ అధ్యక్షుడు మల్లికార్జున ఖర్గే, ఏఐసీసీ ప్రధాన కార్యదర్శి జైరాం రమేశ్‌ను కలిశారు. ఈ సందర్భంగా తెలంగాణ రాష్ట్రంలో కాంగ్రెస్ ప్రభుత్వం చేపడుతున్న అభివృద్ధి, సంక్షేమ కార్యక్రమాలతో పాటు రాష్ట్ర రాజకీయ పరిస్థితులు, పార్టీ బలోపేతం, ప్రజలకు మరింత మెరుగైన పాలన అందించే అంశాలపై నాయకులు చర్చించినట్లు సమాచారం.రాష్ట్ర అభివృద్ధికి సంబంధించిన పలు ముఖ్యమైన అంశాలను జాతీయ నాయకుల దృష్టికి తీసుకెళ్లడంతో పాటు, తెలంగాణలో కాంగ్రెస్ పార్టీని మరింత బలోపేతం చేసేందుకు తీసుకోవాల్సిన చర్యలపై కూడా చర్చ జరిగినట్లు తెలుస్తోంది.ముఖ్యమంత్రి రేవంత్ రెడ్డి, ఎంపీ సురేష్ కుమార్ షేట్కార్ ఢిల్లీలో కాంగ్రెస్ అగ్రనేతలను కలవడం ప్రాధాన్యత సంతరించుకుంది. జాతీయ నాయకత్వం, రాష్ట్ర నాయకుల మధ్య సమన్వయాన్ని మరింత బలోపేతం చేస్తూ తెలంగాణ అభివృద్ధి, ప్రజా సంక్షేమం కోసం కలిసి ముందుకు సాగాలని ఈ సందర్భంగా నాయకులు అభిప్రాయపడినట్లు సమాచారం.