నారాయణఖేడ్ నియోజకవర్గంలోని మానూర్ మండలం పరిధిలోని తోర్నల్ గ్రామానికి చెందిన ఎస్.కే అబిద్ నూతనంగా నిర్మించిన ఇంటి గృహప్రవేశం కార్యక్రమం మరియు వారి జన్మదినం సందర్భంగా ఆనందోత్సాహాల మధ్య వేడుకలు నిర్వహించారు. ఈ కార్యక్రమానికి నారాయణఖేడ్ మాజీ శాసనసభ్యులు విజయపాల్ రెడ్డి హాజరై, అబిద్‌కు జన్మదిన శుభాకాంక్షలు తెలియజేయడంతో పాటు నూతన గృహంలో సుఖశాంతులతో జీవించాలని ఆశీర్వదించారు. ఈ సందర్భంగా మండలానికి చెందిన సీనియర్ నాయకులు, స్థానిక ప్రముఖులు మరియు గ్రామస్తులు పెద్ద సంఖ్యలో పాల్గొని అభినందనలు తెలియజేశారు.