రామన్నపేట: సామాజిక విప్లవకారుడు, అణగారిన వర్గాల ఆశాజ్యోతి మహాత్మా జ్యోతిరావు పూలే 199వ జయంతిని రామన్నపేట మండల కేంద్రంలో ఘనంగా నిర్వహించారు. అంబేద్కర్ జయంతి ఉత్సవ కమిటీ ఆధ్వర్యంలో సుభాష్ సెంటర్ వద్ద పూలే చిత్రపటానికి పూలమాలలు వేసి నివాళులర్పించారు.

ఈ సందర్భంగా జయంతి ఉత్సవ కమిటీ కో-కన్వీనర్ నాగటి ఉపేందర్, గౌరవ సలహాదారు నకిరేకంటి మొగులయ్య మాట్లాడుతూ అణగారిన వర్గాలకు అక్షరజ్ఞానం అందించి సామాజిక సమానత్వం కోసం పోరాడిన మహనీయుడు పూలే అని కొనియాడారు. 199 ఏళ్లు పూర్తి చేసుకుని 200వ జయంతి ఉత్సవాల్లోకి అడుగుపెడుతున్న ఈ సందర్భంగా ఆయన ఆశయాలను ప్రతి ఇంటికీ తీసుకెళ్లాల్సిన బాధ్యత అందరిపై ఉందని తెలిపారు.

కుల వివక్ష లేని సమాజం, మహిళా విద్య కోసం పూలే చేసిన కృషి చిరస్మరణీయమని, పూలే–అంబేద్కర్ ఆశయాల సాధనకే నిజమైన నివాళి అవుతుందని పేర్కొన్నారు.

ఈ కార్యక్రమంలో సోషల్ మీడియా కన్వీనర్ ఎర్ర నరేష్, కమిటీ సభ్యులు గాదె నరేందర్, నోముల చిరంజీవి, నాగటి యాదయ్య, గన్నబోయిన విజయభాస్కర్, యాదాసు యాదయ్య, బాదే అశోక్, నకిరేకంటి నరేష్, నరసింహ, కర్నే వినయ్, నోముల కృష్ణ తదితరులు పాల్గొన్నారు.