మునగాల మండల పరిధిలోని కొక్కిరేణి గ్రామంలో నవరాత్రి ఉత్సవాల్లో భాగంగా క్రీడా కార్యక్రమాలు విరాట్ యూత్ ఆధ్వర్యంలో నిర్వహించి గెలుపొందిన క్రీడాకారులకు బహుమతులు ప్రధానం చేయడం జరిగింది. ఈ కార్యక్రమానికి ముఖ్యఅతిథిగా వచ్చిన ఎస్సై సంజీవరెడ్డి గెలుపొందిన క్రీడాకారులకు బహుమతి ప్రధానం చేశారు. ఈ సందర్భంగా ఎస్సై మాట్లాడుతూ. గణేష్ నవరాత్రి ఉత్సవాల్లో ఎలాంటి అవాంఛనీయ సంఘటనలు జరగకుండా ప్రశాంత వాతావరణంలో నవరాత్రి ఉత్సవాలు జరుపుకోవాలని తెలిపారు. నిమజ్జనం క్రమంలో డీజేలు, ప్రజలకు ఇబ్బందులు కలవకుండా నిమజ్జన, ఊరేగింపు కార్యక్రమం నిర్వహించాలని కమిటీ సభ్యులకు సూచించారు. ఈ కార్యక్రమంలో విరాట్ యూత్ సభ్యులు పాల్గొన్నారు.